ඇහි පිල්ලමක් යටින්.... Think a minute......

Sunday, March 1, 2015

ආදරය

ආදරය කියන්නේ පුදුම බැදීමක්.. මිනිසුන්, තිරිසන් සතුන්.. ගහකොළවල.. ලෝකේ හැමතනම ආදරේ තියෙනවා. ඔයාල දන්නවද අපිට නොතේරුණු කාලෙක අපේ ලේ වලට පවා උතුම් ආදරයක් ඇතිවෙලා තියෙනවා.. ඒ ආදරය ඔබට ඔබගේ ඇගේ දුවන ලේ වලින් දැන් දැනෙනවා නේද? එත් ඔබට තේරෙන කලෙක දැනුනු ආදරය ඊට වඩා ගොඩක් වෙනස්...සමහරවිට ඔබේ මුළු ජිවිතයම ඒ ආදරෙන් සනසන්න ඇති...ඔයාල දන්නවද අපේ සිදුහත් කුමාරයගෙයි යසොදරවගෙයි තිබුණු ආදරය.. අ ආදරය තාම මේ අහස පොළව දන්නවා. ලේනකුලේ ඉදලා ඇති කරගත් බැදීම සංසාරේ පුරාවටම තිබුනා. විටෙක බෝසතුන් යසෝදරාව වෙනුවෙන් වෙහෙසුනා, විටෙක යසෝදරාව බෝසතුන් වෙනුවෙන් වෙහෙසුණා.. රාහුල පුතාව තුරුළු කරගෙන ඇතින් වඩිනා ඒ උතුන් බුදුරජානන්වහන්සේ ගැන ඇය නරසිහ ගාථා වලින් තාත්තා ගැන කියාදෙන්නේ ඒ නිසයි...මේ ලෝකේ මොන බිරිදද තමන්ගේ ස්වාමි පුරුෂයාගේ ගුණ දරුවන්ට කියල දෙන්නේ..මොන ස්වාමි පුරුසයද තමන්ගේ දරුවන්ට එයාලගේ අම්මා ගැන ගුණ කියන්නේ.....තමන්ගේ පෙම්බර කුමාරයා කෙස් වැටිය කැපු බවදත් යසෝදරාව තමන්ගේ කෙස් වැටිය කැපුවා. උස් අසුන් අත්හැරිය බව දැන ගත් යසෝදරාව පන් පැදුරේ නිදා ගත්තා. දෙවේලක් වලදනවා කියල දැනගත් ඇය දෙවෙලකින් පමණක් කුස පුරවගත්තා. තමන් අත්හැර ගිය ස්වාමි පුරුසයා ගැන කවුද මේ ලෝකේ හොද කියන්නේ... එත් යසොදර්ව එහෙම කලා. සෙනෙහසින් බැදුණු ආදරයන් කුණු රසයෙන්ම විනසවී ගිය අන්දම ඔබ අසා ඇති. කුස රජතුමා පබාවතිය ගැන නොකරපු දෙයක් නැ. නිවන ගැන දේශනා කළ බුදුහාමුදුරුවෝ පතල මහා කරුණාවෙන් ආදරය කරන අයට මතු භවයන්හි ඔහුනොවුන් ඔහුන් ගේම විලා ඉපදෙන්න කලයුතු කරුණු සතරක් දේශනා කළා 1 සම සද්ධා 2 සම සීල 3 සම ත්‍යාග 4 සම ප්‍රඥා ආදරය කියන වචනය තුල "දර" පදය පාලි වචනයක් එහි සිංහල තේරුම "කරදර" කියන එකයි. "ආ" ශබ්දයෙන් කියන්නේ "ඇත තියෙන දෙයක් ලගට ගැනීමයි".. ඇත තියෙන කරදර ගොඩක් තුරුළු කරගැනීම ආදරය කියල බුදුදහමේ විස්තර වෙනවා. හොදට තිබු ඔබේ ජීවිතය පසු කාලීනව වෙනස් වුනේ ආදරය නිසා වෙන්න ඇතී. එත් ආදරයෙන් තොරව මේ ලෝකේ කිසිදෙයක් හොද විදිහට වෙන්නේ නැ. ඉර අපිට ආදරේ නිසයි උදෙන්ම ඇවිත් සවසට අපිව සදට දීලා ගෙදර යන්නේ..දවසක ඔබ මැරෙනකොට දරුවෝ මේ ලෝකේ දාල ඒ ලෝකෙය්ට යන්නෙත් ඒ නිසාම වෙන්න ඇති. ඔබට පුලුවන්නම් අනෙකා වෙනුවෙන් යම් කැප කිරීමක් කරන්න ඒ තමයි ආදරය.. ඔබ අනිත් අයට දෙන ආදරෙන් කිසි දෙයක් බලාපොරුත්තු වෙන්න එපා! කාටවත් ණය නොවී ආදරෙන් ජිවත් වෙන්න.ආදරය තියෙන්නේ ඔබ දකින දේ තුල නොවෙයි.. ආදරය ඇති වෙන්නෙත් නැති වෙන්නෙත් ඔබේ සිත් මඩලෙමයි...මේ ලෝකේ ආදරේ කරන මිනිසුන් ඉන්නවනම් චුටි මල් කැකුළු වන් දරුවෝ නිදහසේ ජිවිතේ ගත කරාවි.. සොරකම..පවුල් ගැටුම්..,බොරුව.. මත්පැන්.. මේ ලෝකෙන් සමු ගනීවි. ඔබ අද ඉදලා අවංකවම තමන්ටත් අනුන්ටත් ආදරේ කරන්න.

Friday, February 20, 2015

තම බිරඳගේ මළ සිරුර කපද්දී මිනී කපන නිමලදාසගේ සංවේදි අත්දැකීම

මිනී කපන නිමලදාසගේ පනස් හය හැවිරිදි බිරිඳගේ මරණ පරීක්ෂණයට සුපුරුදු පරිදි නිමලදාස වෛද්‍ය වරයා හා මෝචරියට ඇතුලු විය....

මධු සමය දා ලිහූ සළු පිලි
එවක මතකය අදත් ගෙන
අනේ දොස්තර කමා කල මැන
මදක් දෑසම වසනු මැන...

ඇගේ සිරුරම වසා මතු කල
ප්‍රේමයක් ඇත පුරා මන
තවත් පිරිමියෙකුගේ ඇස් වල
ඇගේ සලකුණු ඕන නැත..!!

දොස්තරට ඇස් වැහෙන තැන්වල
පාත් වී නුඹේ සිරුර ලඟ
හොරෙන් බැලුවා ඉතිරි හුස්මක්
තියනවද ඔය පපුව මැද

කපා සිරුරම සොයා හේතුව
පිරිස්සද්දී හදවතේ
සිරව ලේ කැටි දෙකක් තිබුනා
දරුවො දෙන්නයි සිහි උනේ...

කවපු බත් පිඬ බඩ වැලක් මැද
නැවතිලා සුසුමකට වැද
අදත් දහවල ඉකි ගසා නුඔ
හඬපු තාලය හිතේ ඇත..

“වැදූ දූ පුත් නික්ම ගිය පසු
හැරදමා උන් උපන් රට
තාම සීසර් කරපු සලකුණු
තියනවා නුඹෙ බඩේ යට“

“කපන කොටනා තැනක් පාසා
යලිත් අතගා සුසුම් මැද
නුඔට නොරිදෙන මට රිදෙන තැන්
හුඟක් දැන් ජීවිතේ ඇත...“

ඉතින් යා යුතු මගක් වේ නම්
මදක් ඉවසමු කිව් බසින්..
මෙහෙම දවසක් හිතාගෙන නුඔ
ඉන්න තිබුනා එක ලෙසින්...!